يا روح الانسانية لشاعر كاظم الجابري

استعرض الموضوع السابق استعرض الموضوع التالي اذهب الى الأسفل

يا روح الانسانية لشاعر كاظم الجابري

مُساهمة  ??????? في الخميس ديسمبر 18, 2008 2:09 am

يا روح الانسانية لشاعر كاظم الجابري

--------------------------------------------------------------------------------
يمهدينه الضلع ما ننسه ثاره وعلي جدك علي هجموا الداره

* * *

يــــا روح الإنسانــــــــية سرك ســــــر التوحــــــــيد

يالبــــــــايعــــــناك بدمنه مو بيعة ايــــــــد بأيــــــــد

اشما يكثر دمــــع الموعد أكثر محنـــــتنه تزيـــــــــد

منك يالغـــــايب مــــــــنك تدري وتعــــــــلم شـــنريد

تثور أعله الغصب حگ الأمارة تنشده بـــــيا ضلع ملتهـــبه ناره

وعلي جدك علي هجموا الداره

* * *

يا من كســروا ضلع أمك بالحايــــــط والبســــــــمار

گوم انشد يــا هو الطايح يم عتبة بــــــــاب الــــــدار

حلمك چم دوب وصــبرك ننتظرك لــــــيل انهــــــــار

يمته خيولك تسرجـــــــها وتصيح الــــــــثار الــــثار

أناشد عالفرج يمته البشاره أظن حتى الصخر مل انتظاره

وعلي جدك علي هجموا لداره

* * *

بعـــــيونك دمعــــــــة آدم بگلبك لوعـة يعگــــــــوب

وبصــدرك شهگة يونس يالصبرك صــــــــبر ايـوب

الصخره تذوب بحسراتك وگلبك صابــر ميــــــــذوب

اشتنسه الزهرة ولوعتها لو محســــــــن يالمحجوب

الك جفن المحب دمعه ايتجاره ويشوبح عـــــالفرج ليله ونهاره

وعلي جدك علي هجموا الداره

* * *

امصابك يالمهدي امصابك ما مثله يصير امصـــــاب

نثروا صفحـــــات سنيــنك واحترگت ويه البــــــــاب

جدول احزانك يجــــــــري وظل ينزف بالمحــــــراب

ما بين الزهرة وحــــــيدر اصواب اعظم من اصواب

انغصب من الوصي تاج الوزاره وصفت عند الخصم ذيچ الصداره

وعلي جدك علي هجموا الداره

* * *

من غصبوا جدك حــــيدر ضاع الحگ والاصــــــلاح

عافوا نبراس الحكــــــمه وتبعوا حكم الأشــــــــــباح

جدك طــاح بمحرابــــــــه غــدروه وراح الــــــــراح

يالغايب إنشـــــــد واسمع دم الكــــــــرار اشصـــــاح

هتف وين القيم وين الحضاره رجع حكم الجهل هاي الخساره

وعلي جدك علي هجموا الداره

???????
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى