ديوان الشاعر احمد الذهبي...دموعي

استعرض الموضوع السابق استعرض الموضوع التالي اذهب الى الأسفل

ديوان الشاعر احمد الذهبي...دموعي

مُساهمة  العراق الجريح في الأربعاء ديسمبر 10, 2008 9:24 pm

انه عندي دموعي كلش غاليات
ومايرخصن الا يم الغالي
واغله واحد انته والوادم وراك
وحالي من تروح يكره حالي
ولذلك من بجيت انه عليك
عيون طاحت مو دموع كبالي
من رحت مني وخذت روحي ومشيت
عالأقل جا رجّعت دلالي
وجا كلت مسكين خل أعطف عليه
وخل أعذره وكلشي ماسوالي
انه ردت اولهم بكلبك اصير
عمي مو اول أصير التالي
وانه من عنبك ردت ماحصليت
عاد نعم الله من احصل اسلالي
انته مو مالي وخذت روحي ومشيت
شراح تاخذ كون صاير مالي
كلي تاخذني الك مني وتروح
وانه ارد للبيت منك خالي
روحي ركبه تصير لو صرتلها سيف
وبين اديك الموت هم يحلالي
شبيك متعجب طحت يمك جتيل
هوه غير انته الصرت جتالي
لو ردت من بالي اشيلك مستحيل
انته بالي يصير اشيلن بالي
الموت والفركه سوه الوادم تكول
انه اكول الموت والله اشوالي
شبيها مدري شمالك الوادم تكول
انه لو ادري اكول شمالي
جان حمل الدنيه لو فوكي يطيح
ما أشيله انه يشيله خيالي
هسه وين افراكك شخلالي حيل ؟؟
زين كد شيل الهدم خلاالي
انته حسبالك نسيتك والسلام
انه بعد الصار هم حسبالي
حسبت غيرك يجي ويمه استراح
والف مو واحد اجه شسوالي
هواي مدولي الحبل لجل الوصال
وانه يم وصلك امد احبالي

العراق الجريح

المساهمات : 10
تاريخ التسجيل : 08/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى