ديوان الشاعر احمد الذهبي...عشنه من الصغر

استعرض الموضوع السابق استعرض الموضوع التالي اذهب الى الأسفل

ديوان الشاعر احمد الذهبي...عشنه من الصغر

مُساهمة  العراق الجريح في الأربعاء ديسمبر 10, 2008 9:12 pm

عشنه من الصغر فقره ومساكين
وعرفنه العوز لحظة ماوعينه
فتحنه على المصايب شوف العيون
وعلى حجايت كضت هانت ربينه
لكينه كماطنه هموم وعذابات
وبعد ماتدري لوتدري شلكينه
لكينه دموعنه تهز الكواريك
وسمعنه جروحنه يلولن علينه
جبنه العمر كله احاه باحاه
وعمر ضكنه الوكت بس ماشكينه
حلم بالعيد نلعب عالمراجيح
وخنكنه الحلم سر وماحجينه
لان فقره اهلنه ولو حجيناه
عذرهم تنكطع وتطيح بينه
عرينه من الجديد بجية العيد
وابد من الخجل لاماعرينه
ردنه نمد ادينه بساعة الجوع
ولكينه جفوفنه اتكطع بدينه
كالو من صفر وابدو المسافات
ولو عدنه الصفر جان ابتدينه
وكالو تنتهي وتنزال وتروح
ومعنه التنتهي صار انتهينه
وكالو تنسي من اتطيب الجروح
وطلعنه جروح من طبنه انسينه
رضينه بفي اهلنه انموت مرات
ونعيش بفي غرب لامارضينه

العراق الجريح

المساهمات : 10
تاريخ التسجيل : 08/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى