ديوان الشاعر فالح الخزعلي

استعرض الموضوع السابق استعرض الموضوع التالي اذهب الى الأسفل

ديوان الشاعر فالح الخزعلي

مُساهمة  Admin في الإثنين ديسمبر 01, 2008 11:23 am

ديوان الشاعر المرحوم فالح الحاج محمد
قصيده الباب
تمر من بابنه وتدير وجهك
شعلامه بابنه وشطلع بينه
يبو جدم المحلي دروب عمرك
جدم شك الحراثي بس علينه
حسافه الباب جنه تكول خصمك
وتهل بلا كرامه دموع عينه
حته البيت سميناه على اسمك
وعلى لون التحبه صابغينه
وتدري الباب من يشوف شخصك
يصفكلك هله بطلاكتينه
___________________قصيده احب الناس


انا احب الناس كله
وما اميز بين شبعان وفقير
او مقتنع من فضل ربي
الزاد لو يصعد ذبيحه او لو نزل خبزه شعير
او عندي لبس العافيه وثوب الستر
هواي افضل من دشاديش الحرير
وعيني يا ريش النعام البلمذله يصير شوك
وبالكرامه افيش يتراب الحصير
الموته وحده الكبر واحد الك يا فاعل الخير
****
____________________
ايام الاسبوع

الم بالليل كل ضيمي وجمعه
اوكتلني برفسته وكتي وجمعه
ابسبته ما شفت طوله وجمعه
ياملني السبت يمرر عليه
يجي سبته وضل بامل سبته
شحلاته بالشفايف علي سبته
اغش الروح اكل لروح سبته
ياملني بالاحد بيه جيه
اترجه هلال وجناته بلاحد
اوسيف الوكت يذبحني بلاحد
خجله عشرتك صارت بلاحد
ولك جتي الثنين الحك عليه
اتره بالاثنين يكول يمك
يوسف صير الي وجلاي يمك
اثغب صور وانا بجفن يمك
تمنحك بالثلاثه بلا حميه
ثلاثه علي وانا اباب دارك
ولك تدري مريض وحيل دارك
ياهو الغيرك وبساع دارك
كلت بالاربعاء ايدك بديه
عليه الاربعاء قربت ولا جيت
او دمعتي ترست اعيوني ولاجت
رفظت لا رفس تمشي ولاجت
ولا ترهه الحبل مكطوع تيه
او خميسي لا كلب ظلي ولا روح
ولا اوصل بعد داره ولا روح
ابعضي لا بكه ابهامي ولا روح
اتحسف جمعته المرت عليه




[img][/img]

Admin
Admin

المساهمات : 31
تاريخ التسجيل : 22/11/2008

معاينة صفحة البيانات الشخصي للعضو http://ragdan.ba7r.org

الرجوع الى أعلى الصفحة اذهب الى الأسفل

انة شاعر القلوب

مُساهمة  محمد الكعبي في الأحد ديسمبر 21, 2008 7:09 am

لاتسعني الكلمات ان اعبر ما يدور بداخلي عندما نتذكر هذا الشاعر المفتون بحب الوطن والطبيعة الان اكتب ودموعي تسيل على خدي ونحن على اعتاب فاجعة الطف الاليمة اقول في نفسي كيف تمر علينا هذة الايام الحزينة ونحن نفتقد احد ابطالها واحد عشاق ابطال كربلاء هل انسى شعرة ام انساة وهو يرثي الامام الحسين في يوم العاشر من محرم وهو يعتلي المنبر ام انسى اشتراكة بقرائة المقتل لهفي عليك ياابا رغدان كما لهفت على الحسين وكربلائة لاكن يقينا انت في القلوب قبل العيون ................ شكرا لكم على هذا الموضوع ولكاتبة نسال الله ان يلهمة الصبروالسلوان

محمد الكعبي

المساهمات : 1
تاريخ التسجيل : 21/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

شكرا لمرورك

مُساهمة  Admin في الأحد ديسمبر 21, 2008 4:51 pm

السلام عليكم
اخي محمد الكعبي شكرا لمرورك ولكلماتك الرائعه وان شاء الله لم يمت شاعرنا وخادم الحسين فالح الحاج محمد ما دام هناك ذكرى ووجود ومكان له في القلوب فشكري لك ولمرورك الجميل......مع الود

Admin
Admin

المساهمات : 31
تاريخ التسجيل : 22/11/2008

معاينة صفحة البيانات الشخصي للعضو http://ragdan.ba7r.org

الرجوع الى أعلى الصفحة اذهب الى الأسفل

قصيده شاعر

مُساهمة  ???? في الإثنين فبراير 01, 2010 11:55 am

السلام عليكم ورحمته وبركاته هده القصيده لابن المرحوم جناب الشيخ نجران الخزعلي ابو مباهله
شاعر ما تملق قلمه لقزام..ولا فديوم غرنه الدراهم
غرف من نهج دعبل سر الاقلام..وشعره احكام منثوره وملاحم
ونظم صف القوافي وصارت احكام ..وفطر بحسين قلمه الجان صايم
نردد(جم كلب ) كل سنه وكل عام..وجن لطم العزه بس الهه راهم ..ملاحظه قصيدة المرحوم المعروفه(جم كلب يرادلج يا سكبنه ......
نصيحه لكل قلم لو مسكته آنام.. ليسوي الشمر ويزيد حاتم
ولايذبح بشعره دين الاسلام...ويسوي ابن الردي للامه قائم
وجثيره اقلام كالت نعم صدام..وردت فرهدت يوم الحواسم
وكتبت للغجر واصحاب الانغام..وباعت دينهه بسكر المطاعم
وبو رغدان شاعر عزته وسام..ويظل اسمه بصدارته القوائم

????
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى